امس رايحه مركز غرناطة مع ماما وفرح وعليا(اخواتي:)) وانا مااحب النوعية هذي من المراكز لانها قريبه من الاحياء السكنية (ما عليكم مني افكاري غريبه نوعا ما)المهم كان السوق زحمه وكتمه ووضع ابدا مو حلو..
وازمه ادور لي ملابس كم طويل عشان السفر ومافي اي شي كم طويل!!!وشو يعني مايبوني اتحجب!!! وبعد ما قفلت المحلات رحنا بنطلب اكل عشان نتعشى ونرجع البيت ونفس الروتين..قعده اللاب توب واكل فشار والتلفزيون شغال على نور ومهند
المهم قلت لفروحه روحي اطلبي وزي اي اخوات وليش ما تطلبين انتي وذكرتها اني قبل ثلاث شهور لمن طلعنا مع خالي العزيز انا اللي طلبت وكان الوضع نفسه زحمه كانه مقصف ابتذائي!!!
اختي راحت تطلب ومعها الخدامه عشان تشيل الاغراض وطولت كلمتها قالت خلاص ما بقي شي وماعرف ليش دقيت عليها بعد شوي
الا تقول سارا تعالي مو قارده اشيل الاغراض واستغربت ورحت لها
وانا واقفه قدام ماكدونالدز واناديها وتلف علي وتدوخ ... انا انفجعت وقعدت احاول وارفعها واصرخ فرح..فرح وما قدرت امسك نفسي
اول مره احد يطيح قدامي ومين اختي؟؟؟؟
حاولت اركز واشوف اختي تتنفس واذا قلبها ينبض مررره خفت حسيت وقتها قد ايش الانسان ضعيف..
كانت بنت معي تهديني وتقولي لا تصرخين الحين تقوم ..مره شكرا كانت معي وهدتني..
والحمد لله شوي واختي تقوم.. وقالت انها ما تدري ايش صار لها امي كانت بعيده والحمد لله ما شافت بنتها الا وهي قامت الحمد لله وطلع اللي جاها هبوط عشان مااكلت كويس بنفس اليوم
الحمد لله على سلامتك واحبك فروحه والله يخليك لنا يا رب
Subscribe to:
Post Comments (Atom)
6 comments:
لا والله الف سلامه على فروحة وما تشوف باس
بس انا ابي اعرف وش فايدة الصراخ في مواقف زي كذا
يعني لو انا طبيب وكنت موجود
مع الصراخ راح انسى الطب كله وراح اقوم اصرخ معاك
بس هذا يعني انك تحبين فرح
الله يعطيها العافية ويخليكم لبعض
تحياتي
ما تشوف شر فروحه عموما انا متوقعه انك تصارخين سوير مره ثانيه خليك شجاعه وين الاسعافات الاوليه اللي تعلمتيها وازعجونا فيها ن اول السنه ههههههههههههه من جد احس انه اذا شخص قريب منك ما ينفع ابدا تلعب دور منقذ او طبيب لانك ما تكون بوضع طبيعي
عموما سوسو ما تشوف شر فروحه والله يخليكم لبعض ويحفظكم من كل شر يارب
الحمدلله على سلامة اختك :)
و الله لا يورينا مكروووه . وصدقيني عشت مثل هالموقف لكن باختلاف بسيط .. و ما الومك في اي شي تسوينه .. انا ركضت في الشارع من الخبصه ومو عارف وش اسوي :)
يعني شي عادي .. فعلا ما تدري وش تكون ردة فعلك ابدا في هالمواقف .. لان ممكن تسوي اي شي مايخطر على بالك
الحمدلله علي السلامه .. و غداا الشر ..
الحمد لله على السلامة.
فعلاً مثل هالمواقف تدفع الواحد انه يتعلم ويراجع الاسعافات الأولية عشان يكون جاهز في أي وقت.
الله يسلمكم يا رب
على فكره توني مخلصه كورس عن انعاش القلب والتنفس!!عشانها اختي مرره خفت وما قدرت اركز ابدا
سلامه فروووحه وماتشوف شر
أحس لو انا مكانك ياسارا وصار لي هالموقف بدوخ مع اختي :s
MEME
لا تنبسطين مو حبا فيكي بس من الروعه بدوخ معاكي =p
Post a Comment