وانا مسافره كانت معي بنفس الاوتيل زميله لي بالكليه ...
دقت علي وكنت طالعه
البنت:ساره وينك ابغى اعطيك الاغراض بنسافر اليوم
سارا:طيب خمس دقايق وبصير عندك باللوبي توي طالعه من الكلاس
وصلت لقيت زميلتي وامها وابوها واختها و زميله لهم
انا كنت بروح الا ام البنت تقولي باذني:خليكم بنسوي مفاجاه اليوم عيد ميلاد ابونا
تشوفوني نقزت عند ابوهم كل سنه وانت طيب عمو:)
وشوي صاحبتي تجيب كيكه وشموع وغنينا لابوها وانبسطنا وتصورنا
كان قاعد جنبنا اثنين سعودين الثاني باين انه ملتزم..
الا يقوله ابو صاحبتي تفضل عيد ميلادي الاربعين يمزح معه
اخذ الكيكه وقال له: الله يطول عمرك على الطاعه شكرا:)
تصرفه حلو.. بدال ما يقول اعياد الميلاد حرام رد علينا رد حلو ووصل اللي عنده باسلوب
تخيلو لو كل الناس تنصح كذا؟؟
كل الناس راح تسمع النصيحه.. من اهم الاشياء بالنصيحه الاسلوب ويا ليت كلنا نتعلم هذا الشي
Subscribe to:
Post Comments (Atom)
4 comments:
ايه اسلووووب مررررره حلوو بس عارفه انا لما سافرت شفت ناس مطوعين بس مدري ليش الاغلبيه ذوووق هههههه
لان صار لي موقف مررررره سافرنا مع ماما فرنسا وفي واحد معانا بالطياره وانا ماكنت اغطي والمفرووووض اغطي جاء قالي انتي بنت حبوبه واموووره لازم ماتسيري زي الحلاوه المكشوووفه وربي بعدها غطيت بس مو مره بس حجاااب لان توي 16 هههههههه كنت يعني
بس تصدقي على حسب الشخص اللي ينصح تتقبلي النصيحه وربي لو جاني قالي غطي اللي ماتخافي الله تدرين وش راح ارد راح اقول الله بيحاسبني ولا يحاسبك واسكته عمووووما طولتها وهي قصيره بس هذا الاسلوب الراقي اللي من جد ينقبل
ربي يكثر من امثااااله
تقبلي ردي :)
تحياتي لكي ياعسل
شكرا عالرد يا حلوه
بس والله انا وصاحبتي انحرجنا ووصل الرساله باسلوب راقي الله يجزاه خير
مرة اسلوب حلو وراقي ..الواحد يتقبل النصيحة وبكل صدر رحب بجد كذا الناس الي فاهمة الدين يتصرفون ..المهم سوسة خليني اسوف تعليقاتك لاتبخلي يابت
kokh
ثانكس ياقمر كلك ذوووووق
بس انا محد يعلق عندي :( ترى شوي وراح ابكي ههههههههههه
تحياتي لك
Post a Comment